- Ўйин яхши ўтди, натижадан жуда хурсандман. Чемпионатдаги ҳамда олий лигадаги биринчи голимни урганимдан жуда хурсандман, биринчи голимни амакимга бағишлайман, чунки бугун у кишининг туғилган кунлари ва бу супер голни туғилган кунларига совға қиламан.

Мухлисларга кўллаб-кувватлаганлари учун катта раҳмат, бир неча ўйиндан бери мендан гол сўраб юришган эди. Мен худога шукурки бу голни урдим ва бу билан чекланиб қолмасликга ҳаракат қиламан. Эдгар Яковлиевичга ҳам катта раҳмат, менга ишониб деярли ҳар ўйинга асосий таркибда ўйнашга имкон бериб келаётганлари учун.

Бош мураббийимиз ҳозирги кунда камдан-кам мураббийлар қилаётган ишни қиляптилар, яъни биздай маҳаллий ва ёш футболчиларга имконият яратиб, мунтазам равишда ишонч билдириб, энг асосийси асосий таркибда ўйнаш имкониятини бермоқдалар. Мана бугун яна бир ҳамшаҳарим Равшан Асланов ҳам ўзини ажойиб томондан кўрсата олди ва битта голга ассистентлик қилди.

Бундан кейин мен бош мураббийимиз ишончини оқлашга ҳаракат қиламан ва албатта яна кўплаб голлар уришга интиламан.

Сайтингизни мунтазам равишда кузатиб бораман, мухлисларнинг фикрларини диққатлик билан ўқийман ва танқидлардан кераклли хулосалар чиқаришга ҳаракат қилиб келаман, - дейди Асадов.

Фирдавс Асадов: "Олий лигадаги илк голимни амакимга бағишлайман"