Балки кеча ТВда ўйин темпи сиз учун юқори кўринмагандир, аммо бир киши кам бўлиб қолгач, "Навбаҳор"ни ўйини ўзгарди ва жамоа мазмунлироқ ўйин намойиш эта бошлади.

Шаҳзоданинг "Қани қўллар тепага" қўшиғи ёдингиздами? Бизда таналаримиз бир текисда тепага учаяпти...

Балки Алишер Маҳмудовга ростан ҳам йил бошида "Машъал" сафидан жой олгани мақулмиди? Маҳмудов сўнгги пайтларда асосан захирада ўтириб ўйинни кузатяпти. Алишер ҳозирча бор йўғи тўртта, у ҳам бўлса захирадан тушиб майдонда ҳаракат қилди.

- Аъло, Боқи амаким бормилар?

Аҳмедовдаги энг керакли жиҳат, бу рақиб ўйинини ўқиш ва қўполликсиз тўпни ўзига бўйсундириб олиш эди. Жавоҳир Сохибов ҳозирча айнан шундай ўйин кўрсатяпти. Воқеалар ривожини кузатамиз.

Бу сурат ФИФА.узда Сергеевни сардор қилганларга бағишланади. Бор йўғи тўрт очко, агар сардор бўлган бўлса...

- Ула, оғайни қачон футболни тугатамиз?

- Қани биринчи ўзингдан бўлсинчи... (Албатта бу ҳазил. Бу футболчиларни қадрига етиб олиб, ҳеч бўлмаса 10 дақиқа бўлсада уларнинг ўйинларини кўриб, аввалги йиллардаги олий лигани эслагандек бўласан киши. Кеча бу икки футболчи майдонга тушгач, ўйин ҳам ўзгарди).

Рижко бу сафар захирадан майдонга тушди. Айнан у 90+4 - дақиқада қаҳрамон бўлиши мумкин эди. Бу сафар росманасига...

Аммо мана шу вазиятда у тўпга калла қўя олмади. Агар сал бўлсада тўпга тегина олганида, "Навбаҳор" дарвозасини ташлаб чиққан, ўйиннинг энг яхши футболчиси Меленчук гол уриш учун жуда ҳам қулай имкониятда турган эди...

"Шу ўғлим ҳам "CA"да чиқсин", - деган акага бағишланади...

Нодирхўжа Юлдашев

Фотомақола: Бу сафар Рижко росмана қаҳрамон бўлиши мумкин эди