Футзал бўйича Ўзбекистон миллий терма жамоасидан ташқари, Туркманистон, Тожикистон ва Қирғизистон терма жамоалари ҳам иштирок этадиган саралаш баҳсларини ёритишни истаган журналистларни аккредитациядан ўтказиш жараёни 25 октябрь куни старт олган.

Саралаш баҳсларини ёритиш истагида бўлган ОАВ ходимлари 2 ноябрь, шанба кунига қадар аккредитация заявкасини, ўз фотосуратларини илова қилган ҳолда, ЎФФ матбуот хизмати электрон почтасига (media@the-uff.com) жўнатишлари керак.

Саралаш босқичининг барча учрашувлари Тошкентдаги «Ўзбекистон» спорт мажмуасида бўлиб ўтади. Саралаш босқичида дастлабки учта ўринни эгаллаган терма жамоалар 2014 йил Вьетнамда бўлиб ўтадиган финал босқичи йўлланмасини қўлга киритади.

Футзал бўйича Осиё чемпионати-2014 саралаш
Жанубий ва Марказий Осиё саралаш гуруҳи ўйинлари тақвими
5 ноябрь, сешанба
16:00. Кирғизистон – Тожикистон
18:00. Ўзбекистон – Туркманистон

6 ноябрь, чоршанба
16:00. Туркманистон – Қирғизистон
18:00. Тожикистон – Ўзбекистон

7 ноябрь, пайшанба
16:00. Тожикистон – Туркманистон
18:00. Ўзбекистон – Қирғизистон

Футзал: ОЧ саралаш ўйинларига аккредитация жараёни давом этмоқда