2010 йилдан буён ҳар йили ўтказиб келинаётган мусобақада Осиё қитъаси мамлакатларининг чемпионлари иштирок этишади. Ўзбекистон шарафини мамлакатнинг амалдаги чемпиони “Олмалиқ” клуби ҳимоя қилади. Александр Петров бошчилигидаги жамоа “D” гуруҳида Таиланднинг “Чонбури Блювейв” ҳамда Ливаннинг “Банк Бейрут” клублари билан куч синашади.

Ҳозирга қадар бўлиб ўтган 7та мусобақада уч марта Япониянинг "Нагоя Оушенс" клуби ғолиб бўлган. Эроннинг "Гити Пасанд", "Фулад Маҳан" ва "Тасисат Дарёи" клублари бир мартадан чемпион бўлишган. "Олмалиқ"нинг гуруҳдоши Таиланднинг "Чонбури Блювейв" клуби 2013 йил чемпион бўлган эди. Ўзбекистон клублари орасида энг яхши натижани "Ардус" қайд этган. 2012 йил Қувайтда бўлиб ўтган Осиё чемпионатида финалга қадар етиб борган ва "Гити Пасанд"га ютқазиб қўйган эди.

"Олмалиқ" иккинчи бор ушбу мусобақада иштирок этади. Ўтган йил жамоа гуруҳдан чиқиб чорак финалда айнан "Чонбури Блювейв"га ютқазиб қўйганди.

Хошимин шаҳри мезбонлик қилувчи бу сафарги чемпионатда жами 14 мамлакат чемпионлари иштирок этишади. Бу йил илк бор Тожикистон клуби ушбу мусобақада қатнашади.

Мусобақа ўйинлари Хошиминдаги "Phu Tho Indoor" стадионида бўлиб ўтади. Ушбу мини-футбол зали ўз бағрига 3300 томошабинни сиғдира олади. Мусобақанинг финал ўйини 30 июль куни Тошкент вақти билан соат 17:00да бошланади.

"A" гуруҳи: "Таи Сон Нам" (Вьетнам), "Ал Дафра" (БАА), "Вик Виперс" (Австралия), "EREM" (Қирғизистон)
"B" гуруҳи: "Нафит Ал Васат" (Ироқ), "Ар Райан" (Қатар), "Вамос" (Ҳиндистон), "Диси Инвест" (Тожикистон)
"C" гуруҳи: "Шрикер Осака" (Япония), "Гити Пасанд" (Эрон), "Шенжен Нанлинг" (Хитой)
"D" гуруҳи: "Чонбури Блювейв" (Таиланд), "Олмалиқ" (Ўзбекистон), "Банк Бейрут" (Ливан)

21 июль (12:00 Тошкент вақти)
"Банк Бейрут" - "Чонбури Блювейв"

23 июль (12:00 Тошкент вақти)
"Олмалиқ" - "Банк Бейрут"

25 июль (12:00 Тошкент вақти)
"Чонбури Блювейв" - "Олмалиқ"

"Олмалиқ" (Ўзбекистон)
Дарвозабонлар:
Клим Тюгаев
Равшан Элибоев

Ўйинчилар:
Жамолиддин Шарипов
Константин Свиридов
Артур Юнусов
Фарҳод Абдумавлонов
Дилшод Раҳматов
Жавлон Аноров
Дилшод Ирсалиев
Шуҳрат Тожибоев
Сарвар Шоаҳмедов
Илҳом Ражабов
Суннат Куралов
Сирожиддин Маҳмудов
Бош мураббий: Александр Петров

"Банк Бейрут" (Ливан)
Дарвозабонлар:
Ҳуссайин Ҳамадани
Тариқ Таббуш
Муҳамад Зреик

Ўйинчилар:
Али Эл Хомси
Муҳаммад Ҳаммуд
Аҳмад Хеир Эл Дин
Карим Абу Зеид
Беҳруз Жафари
Али Тниеч
Муҳаммад Кобеисси
Меҳди Коубеисси
Мустафо Шерхан
Стив Коукезиан
Драган Томич
Бош мураббий: Деян Дедович

"Чонбури Блювейв" (Таиланд)
Дарвозабонлар:
Арут Сенгбат
Катавут Ханкампа

Ўйинчилар:
Сорасак Пунжунгрид
Пирапат Каевилаи
Суттирож Наттапон
Рудимар Венанчио
Ронначаи Жунгвонгсук
Наттавут Срирангпирот
Кристада Вонгкаео
Жирават Сорнвичиан
Супхавут Туенгкланг
Наттавут Мадялан
Апиват Чаемчароен
Жетсада Чудеч
Бош мураббий: Ракпол Саинетнгам

Футзал. “Олмалиқ” иккинчи бор клублар ўртасидаги Осиё чемпионатида қатнашади