Учрашув 18:00дан бошланди.

Ўйин Фарғонадаги "Само" спорт мажмуасида бўлиб ўтди.

Ажойиб комбинациядан кейин Ихтиёр Ропиев ҳисобни очиб, жамоамизни олдинга олиб чиқди.

Иккинчи бўлим бошида терма жамоамиз навбатдаги бурчак тўпини ўйинга киритди ва рақибнинг бор эътибори майдон бурчагидаги икки футболчимизга қаратилганида Даврон Чориев дарвоза олдида ёлғиз қолди ва ўзига узатилган тўпни осонлик билан дарвозага йўллаб қўйди.

Рақиб ўйинни марказдан бошлаб дарҳол ҳужумга ташланди, дарвозабон ҳам марказга яқин зонада комбинацияда иштирок этаётганида тўп вакилларимиз томонидан олиб қўйилди ва Элбек Тўлқинов марказга ҳам етмаган нуқтадан тўпни дарвозага йўллаб қўйди.

Сен урмасанг сенга уришади... Жамоамиз Суннатилла Жўраев йўллаган тўп бўш дарвозага киришни "истамади" ва устунга тегиб қайтди, жавоб ҳужумини эса Сайир Иқбол Хон кучли зарбаси билан якунлади — 1:3

Дилшод Раҳматов жамоамизнинг тўртинчи голига муаллиф бўлди.

Қолган дақиқаларда эса Сайир Иқбол Хон яна иккита гол урди. Хет-трик қайд этган бўлсада, унинг ҳаракатлари Малайзияни мағлубиятдан қутқариб қола олмади.

Ўзбекистон - Малайзия 4:3
Гол: Ихтиёр Ропиев 1:0; Даврон Чориев 2:0; Элбек Тўлқинов 3:0; Дилшод Раҳматов 4:1 — Сайир Иқбол Хон 3:1; 4:2; 4:3.

Ўзбекистон (асосий бешлик): 1. Равшан Элибаев, 4. Ихтиёр Ропиев, 6. Илҳомжон Ҳамроев, 8. Ҳусниддин Нишонов, 10. Даврон Чориев.
Захира: Ботиров, Одилов, Жўраев, Раҳматов, Элбек Тўлқинов, Солиҳов, Элмуродов, Ахметзянов, Раҳматуллаев.

Малайзия (асосий бешлик): 2. Абу Ханифа бин Ҳасан, 3. Муҳаммад Азри Раҳман, 11. Муҳаммад Саад Сани, 13. Муҳаммад Экмал Шахрин, 14. Зайнулзахин Синуан.

Футзал. Ўзбекистон иккинчи ғалабасини қўлга киритди! Иқболнинг 3 та голи Малайзияни мағлубиятдан қутқариб қололмади