Испания чемпионати 16-туридан ўрин олган "Гранада" ва "Атлетик" жамоалари ўртасидаги учрашуви 17-дақиқада тўхтатилди. Бунга трибунадаги мухлислардан бирининг соғлиги ёмонлашганлиги сабаб бўлди. Маълум қилинишича, мухлис юрак хуружига учраган. Икки жамоа шифокорлари ўша мухлисга ёрдам бериш учун трибунага етиб боришди. 20 дақиқадан сўнг эса учрашув бош ҳаками Мигель Анхель учрашув давом эттирилмаслигини маълум қилди ва жамоаларни майдондан олиб чиқиб кетди.

Кейинроқ, "Атлетик" клуби мухлисни қутқариб қолишни иложи бўлмагани ва у вафот этганини маълум қилди. Ўйин эса бошқа куни охирига етказиб қўйиладиган бўлди.

"Гранада" – "Атлетик" учрашувида мухлис юрак хуружидан вафот этди. Учрашув эса қолдирилди