Мана шундай футболчилардан бири Ғулом Ўруновдир. Ушбу ўйинчи жароҳати борлиги сабаб иккинчи давранинг дастлабки учрашувларида майдонга туша олмайди. Яқин клуб қароргоҳида бу футболчи билан қисқача суҳбатлашдик.

- Ғулом, кайфиятлар қандай? Жамоада сизни қандай кутиб олишди?
- Жароҳатимни ҳисобга олмасак ҳаммаси жойида. Фарғонада мени яхши кутиб олишди. Ҳозир асосан жароҳатимни даволатиш билан бандман. Бир неча кундан кейин умумий гуруҳ билан машғулотларга киришаман. Ўйлайманки, тез орада жамоа ўйинига мослаша оламан.

- Эштишимизга қарганда, сизга бошқа жамоалардан ҳам таклифлар тушган экан. Нега айнан “Нефтчи”ни танладингиз?
- “Нефтчи” Ўзбекистоннинг кучли жамоалардан бири саналади. Бу жамоада тажрибали мураббийлар жамланишган. Қолаверса, айнан фарғоналиклар трансферимни сотиб олишга эришишди.

- Фарғоналиклар билан қанча муддатли шартнома имзоладингиз?
- “Нефтчи” билан тузган битимим йил охирига қадар мўлжалланган.

- Шартномани узайтириш ниятингиз борми?
- Буни энди вақт кўрсатади. Олдиндан бир нарса дейиш мушкул. Ҳозирги ҳолатда тезроқ сафга қайтиб, “Нефтчи”нинг ғалабаларига ўз ҳиссамни қўшмоқчиман.

Аброр Деҳқонов суҳбатлашди

Ғулом Ўрунов: "Нефтчи" Ўзбекистоннинг кучли жамоалардан бири саналади"