"Ҳозирги ҳолатда ғалаба қозонишимиз шарт, акс ҳолда мусобақани тарк этамиз. Биз кейинги босқичга чиқиш ва яна иккита ўйинда ғалаба қозониб, ундан ҳам узоқроққа ўтишни истаяпмиз. Бу қийинчилик ёки синов эмас, бу имконият, янги чақирув.
"Манчестер Сити" кейинги босқичга чиқа олмаса, нима бўлади? Клуб учун бу ёмон хабар бўлади, лекин ҳозир мен бу ҳақида ўйламаяпман. Кўпчилик вазиятимизни қизиқиш билан кузатаётгани ва кейинги босқичга чиқа оламизми ёки йўқ, деган саволга жавоб излаётганини биламан. Биз учун қайғураётганлардан миннатдорман. Бу масалада ўйиндан кейин савол беришингиз мумкин, ана ўшанда сизга жавоб бераман.
"Сити" спорт формасини яхшиладими? Йўқ, ҳозирча йўқ. Сабаби ҳали кўп ўйин ўтказганимиз ҳам йўқ", - деди Гвардиола.
Эслатиб ўтамиз, "Манчестер Сити" - "Брюгге" учрашуви бугун тунда Ўзбекистон вақти билан 01:00да старт олади.
Изоҳлар