“Ҳар йили менга бир хил савол билан мурожаат қилишади. Ҳа, ўзига яраша босимни ҳис қилаяпмиз, ахир биздан ЕЧЛ да ғалаба қозонишимизни кутишмоқда. Биз ҳам албатта қўлимиздан келганича ушбу совринни қўлга киритишга уриниб кўрамиз, бошқа жамоалар сингари. Биз ушбу йўлни охиригача босиб ўтишга тайёрмиз, бироқ рақибларимиз ҳам анойилардан эмас. Чорак финалнинг илк иккита ўйини ушбу босқичда осон ўйинлар бўлмаслигини кўрсатиб берди. Эртанги ўйин ҳам бундан мустасно эмас.

Ҳаммаси финалга тенг битта ўйинда ҳал бўлади. Хатолардан ҳоли бўлишга интиламиз, акс ҳолда бунинг учун бизни жазолашлари мумкин. Ғалаба қозониш учун барча ишни амалга оширамиз.

“Реал”ни ютишимиз муҳим эди. Чунки улар ЕЧЛни қироли ҳисобланишади. Аммо бир учрашувдан иборат плей офф баҳсида эса ҳар нарса рўй бериши мумкин. Бу ўйинда ҳеч ким фаворит эмас.

“Лион” билан яхши танишмиз. Ажойиб ўйин услубига эга жамоа. Тезкорлик, рақиб дарвозаси олдида агрессивлик жамоани кучли томонлари эканлиги аниқ.

Руҳий тайёргарлик ҳам бу ўйинда ниҳоятда муҳим аҳамиятга эга. Беллашув финал ҳуштагидан кейин якунига етади. Учрашувда режаларимизни амалга оширишга уриниб кўрамиз. Йигитларим ўйинга тайёр”, деди Гвардиола.

Гвардиола: “Ман Сити ҳар йили босимни ҳис қилмоқда, чунки биздан ЕЧЛ ғолиблигини кутишмоқда”