"Манчестер Сити" УЕФА Чемпионлар лигаси нимчорак финалига чиқиш учун "Реал" билан саралаш баҳсида иштирок этади. Биринчи ўйин эртага "Этихад"да бўлиб ўтади.

"Шаҳарликлар" устози Пеп Гвардиола "Реал" ҳужум чизиғи вакилларининг ўйинига баҳо берди.

"90, 120 ёки 200 дақиқа давомида "Реал" ҳужум чизиғидагиларни назорат қилиб бўлмайди. Уларнинг ўзаро тушуниб ҳаракатланиши, тўпсиз ўйини, бирга-бир вазиятдаги ишлари, тўпни ушлаши...

Мбаппе, Беллингем, Винисиус ва Родриго жуда кучли футболчилар. Буни ҳамма билади, шундай экан биз бу йигитларнинг таъсирини камайтиришга уриниб кўрамиз" - деди Гвардиола.

Гвардиола: "Реал" ҳужумини назорат қилиб бўлмайди"