Кўриниши ғалати бўлган бутсаларни эътиборингизга ҳавола қиламиз.

Ўтган ҳафтада Nike компанияси Hypervenom «Chasing Gold» номли чекланган бутсалар тиражини сотувга чиқарди. Қора ва тилла рангли оёқ кийимларга сайёрамизнинг етакчи ҳужумчилари баҳо беришди. Уларнинг орасида Пьер-Эмерик Обамейянг ҳам бор.

"Frenzy Pack" коллекциясидан ўрин олган PUMA Future 18.1 бусталари бу баҳорнинг энг ёрқин моделларидан бирига айланмоқда. Биринчи марта Гризманн ушбу бутсаларни "Леванте"га қарши ўйинда кийган эди. Бироқ у танаффусдаёқ оёқ кийимларини алмаштирди ва севимли бутсаларида майдонга қайтди.

"Тоттенхэм" собиқ ярим ҳимоячиси Жейми О'Хара эски Nike T90 Laser бутсаларида хайрия учрашувида иштирок этди. Модель 2006 йилда сотувга чиққан эди. Бутсалар айни дамда Hypervenom сериясига айланган.

Ўша баҳсда 2006 йилда чиқарилган яна бир бутсалардан фойдаланилди. Боксчи Питер МакДона Mercurial учинчи авлоди Talaria моделида тўп тепди. Vapor III энг машҳур футбол оёқ кийимларидан бири бўлган.

Эльмо Лифтинк ҳафта охирида бир неча йил аввал чиқарилган бутсалардан фойдаланди: Оқ-қора рангдаги adidas Kaiser 5 модели. Эльмо уни худди тумордак ишлатади. Унинг "Виллем" клуби "НАК Бреда" устидан 2:1 ҳисобида ғалабага эришди ва лигада жон сақлаб қолиш учун имкониятларини оширди.

Кристен Вестфаль бу ҳафтада Under Armour Clutchfit бутсаларини танлади. Ушбу оёқ кийимлар оқ, кумуш ва кўк рангли шакллардан ташкил топган.

Ману ҳозир Nike компаниясининг What The Mercurial бутсаларида тўп тепмоқда. Бу сони чекланган тираж: Илк бор бундай ранг Mercurial Superfly 360 оёқ кийимларида синаб кўрилган эди.

"Тоттенхэм"нинг энг яхши тўпурари ҳам янги Nike Hypervenom "Chasing Gold" футбол оёқ кийимида майдонга тушди. Кейн "шпорлар" билан Англия Кубогида ғолиб чиқиш имкониятига эга.

Николас Кастильо олти йил орқага қайтди ва "Clash Collection" коллекциясидан ўрин олган Nike Mercurial Vapor VIII бутсаларидан фойдаланди. 2012 йилда Европа чемпионатининг барча элчилари шу бутсаларда тўп тепишган. Кастильо хет-трик қайд этди!

Ва яна хайрия учрашуви... Актёр Том Розендаль эски adidas Predator Instinctда ўйнади. Бу бутсалар ҳам ноодатий кўринишга мансуб оёқ кийимлар сафига киради.

Ҳафтанинг энг ноодатий бутсалари