"У қанчалик буюк бўлмасин, биз учун қайғуради, биринчи ўзи хабарлар юборади, омад тилайди ва бу бизни руҳлантиради. У кийиниш хонасида аслида қандай одамлигини кўрсатади – мулоқот чоғида ўзини яхши тутади, кичикларни ва катталарни ҳурмат қилади. Жуда кўп нарсага қодир бўлганига қарамай, ўзини бошқалардан устун қўймайди", – деди Кампана.

Кампананинг таъкидлашича, Месси жамоани хотиржам қилади, майдонда кўрсатма беради ва ўйин олдидан футболчилар билан суҳбат қуради.

Месси "Интер Майами"нинг сўнгги икки ўйинида қатнашмади. Жамоа усиз "Канзас Сити"ни мағлуб этди (3:2), "Атланта"га имкониятни бой берди (2:5). Месси Аргентина терма жамоасида бўлгани учун биринчи ўйинда иштирок этмади, иккинчи ўйинни эса мушак жароҳати туфайли ўтказиб юборди.

36 ёшли аргентиналик футболчи ҳозирда "Интер Майами" сафида 11 та ўйин ўтказиб, 11 та гол ва 5 та голли узатмага муаллифлик қилди. Жамоа билан Лига Кубогини қўлга киритди.

"Интер Майами" ҳужумчиси Месси ҳақида: "У ўзини бошқалардан устун қўймайди"