- Ўйин кескин ва қизиқ тарзда кечди. Стадионга келган мухлислар шиддатли футбол гувоҳи бўлишди. Якунда бизга омад кулиб боқмади. Иккинчи бўлимда суръатни ошириб, ташаббусга эришдик. Йигитлар бор кучлари билан ғалаба учун интилишди.

Иккинчи бўлимда руҳан ўзгардик. Футболда натижа кўп нарсаларга боғлиқ, кўплаб жиҳатлар ҳисобга таъсир ўтказади.

Футболчилар ҳиссиёт билан ўйнашади. Шу сабабли турли ҳолатларга муносабат фарқли бўлади. Муҳими, футбол ўйнашга интилиш. Бугун биз футбол ўйнашга ҳаракат қилдик. Охирги дақиқаларгача курашдик.

Футболда жамоа оилага айланиши керак. Акс ҳолда, ҳар қандай тактика фойда келтирмайди. Мен бизда жамоавий бирлашиш ўсишини кўряпман, - дейди Жасур Абдураимов.

"Пахтакор" матбуот хизмати

Жасур Абдураимов: "Футболда жамоа оилага айланмаса ҳеч қандай тактика фойда келтирмайди"