У ўз интервьюси давомида янги жамоага мослашуви, Қурбон Бердиев билан ишлаш ва янги мавсумда ўз олдига қўйган мақсади ҳақида гапирди.

- Салом Жасур! Сен яқинда "Қайрат" аъзосига айландинг. Жамоа сени қандай кутиб олди? Кўникишга кимлар ёрдам бермоқда? Сен жамоада кўпроқ ким билан мулоқот қиласан?

- Салом. Жамоа мени жуда илиқ кутиб олди, бундан жудаям миннатдорман. Бундай тарзда илиқ кутиб олинишимни кутмагандим. Дастлабки кунларда менга Еркебулан Сейдахмет ёрдам берди, аммо ҳозирга келиб жамоанинг барча аъзолари билан яхши муносабатлар ўрнатиб олдим.

- Қайси жамоадошинг машғулотлар вақтида сени кўпроқ ҳайрон қолдирди?

- Кимнидир алоҳида кўрсатиш қийин. Бутун жамоа юқори даражада ишламоқда ва янги мавсумга жиддий ҳозирлик кўряпти. Агар кимнидир алоҳида кўрсатиш керак бўлса, Маки ва Яцекни айтган бўлардим.

- Қурбон Бердиев қўл остида ишлаш қандай бўляпти?

- Қурбон Бекиевичдек мураббий қўл остида ишлаш мен учун шараф. Фаолияти давомида бундай мутахассис билан ишлаш ҳар қандай футболчига ҳам насиб қилавермайди. Клубга келган кунимдан бошлаб ҳар куни ўзим учун нималарнидир кашф қилмоқдаман. Олдинда турган мавсум мен учун жуда фойдали бўлади.

- "Қайрат" олдида доимо битта вазифа туради - ҳар доим ғалаба қозониш. Ушбу мавсумда ўз олдинга қандайдир индивидуал мақсадлар қўйдингми?

- "Қайрат" даражасидаги жамоа доимо ўз олдига қандай вазифаларни қўйишини ҳар доим билганман. Мен олдимга индивидуал мақсадлар қўймайман. Жамоанинг мақсадлари - менинг индивидуал мақсадларимдир!

Жасур Жалолиддинов "Қайрат"га мослашуви, Қурбон Бердиев ва яна бир неча саволларга жавоб қайтарди