Англия терма жамоаси ҳужумчиси Харри Кейн "шерлар"нинг ЖЧ-2022 даги имкониятларига юқори баҳо берди.

"Биз ЖЧ-2018 да ярим финалида ўйнаганмиз. Евро-2020 финалида ўйнадик. Эҳтимол, ушбу турнирга фаворитлардан бири сифатида борармиз. Бу бошқача босим ва масъулият юклайди.
Ўтган тўрт йил давомида барча тўсиқларни енгиб ўтдик. Биз ўз тарихимизни ёзяпмиз. Жамоамизга ишонаман. Биз бунданда яхши ҳолатга чиқа оламиз, лекин умуман олганда, жамоа зўр ҳолатда.
Евро-2020да бирорта ўйинда мағлуб бўлганимиз йўқ. Фақат пенальтилар серияси фойдамизга ҳал бўлмади. Бу биз босимга бардош бера олишимизни кўрсатади. Аммо Жаҳон чемпионатида бу янада кучлироқ бўлади ва биз Қатарда бошқа муҳитда ўйнаймиз. Жаҳон чемпиони бўлиш учун яхши жиҳатларга эгамиз. Бу – бизнинг мақсадимиз", – деди футболчи.

Маълумот учун, Кейн Англия терма жамоасининг энг яхши тўпурарларидан бири ҳисобланади.

Кейн Англияни ЖЧ-2022 фаворити деб ҳисобламоқда