Ўзбекистонлик мухлисларга яхши таниш бўлган Эктор Купер Конго ДР терма жамоаси устозлигидан кетди. Бу ҳақида Конго ДР футбол ассоциацияси маълум қилди. Купернинг истеъфосига Конго ДР термасининг 2023 йили ўтказиладиган Африка кубогининг саралаш босқичидаги дастлабки икки учрашувида мағлубиятга учрагани сабаб бўлган. Конго ДР саралаш босқичида Габон ва Судан терма жамоаларига мағлуб бўлди.

Конго ДР спорт вазирлигининг қайд этишича, Эктор Купер ўз шартномасида белгиланган ишларни бажара олмаган. Мураббий жамоани тактик, машғулотлар ва ўйин услуби жиҳатидан қуриши лозим бўлган. Аммо жамоанинг ўйинида ўсиш кузатилмаган.

"Шартномани бекор қилиш жараёни муқаррар эди. Мураббий жамоани қабул қилганидан бери кўзланган бирор натижага эришилмади", -дейилади Конго ДР спорт вазирлиги берган баёнотда.

Конго ДР Африка кубоги саралашидаги муваффақиятсиз стартдан сўнг Эктор Куперни истеъфога чиқарди