У ўзининг instagram ижтимоий тармоғидаги саҳифаси орқали рак хасталигини енггани ҳақида хабар қилган. Июнь ойида унинг миясидаги ўсимта олиб ташланганди.

«Хуллас, дўстлар, бугун мен яхши хабарни олдим! Шифокорим менга қўнғироқ қилиб, яқинда туширилган МРТнинг жавобларини айтди. У тозалигимни хабар қилиб, барчаси аъло эканлигни тасдиқлади! Шундай экан энди фақат олдинга! Касаллигим вақтида мени қўллаб-қувватлаганларнинг барчасига миннатдорчилик билдираман», – деган 33 ёшли Энрике.

Хосе Энрике Испаниянинг – «Леванте», «Валенсия», «Сельта», «Вильярреал», «Сарагоса»; Англиянинг – «Ньюкасл» ва «Ливерпуль» клублари сафида ўйнаган. Мерсисайдликлар таркибида у 2011/12 йилги мавсумда Англия Лига Кубогини қўлга киритганди. Касаллиги сабаб фаолиятини 2017-йил 31 ёшида якунлашига тўғри келган.

"Ливерпул"нинг собиқ футболчиси рак хасталигини енгди