21 апрель куни "Локомотив" стадионида бўлиб ўтадиган баҳсга "темирйўлчилар"нинг тайёргарлиги бугундан бошланди. Футболчилар соат 11:00да жамоа қароргоҳида йиғилиб, асосий стадионда машғулот ўтказишди.

Машғулотда асосан кечаги ўйиндан кейинги тикланиш машқларига эътибор берилди. Эртадан бошлаб жамоа яна билан тўп билан ишлай бошлайди. "С" гуруҳида кураш олиб бораётган "Локомотив" гуруҳдан чиқиши учун навбатдаги иккита беллашувда ғалаба қозониши талаб этилади. Аввалига ўз майдонимизда "Ал Ҳилол"ни қабул қилсак, 5 май куни сафарда "Фулад" меҳмони бўламиз. Бу турда "Фулад" "Ал Садд" билан ўйин учун Дохага боради.

"Локомотив" - "Ал Ҳилол" учрашувини сариқ карточкалари сони иккитага етгани туфайли Ислом Тўхтахўжаев ўтказиб юборади. Қолган футболчиларнинг ҳаммаси соппа-соғ, насиб қилса ўйингача барча юз фоиз тайёр ҳолатда бўлади. Эслатиб ўтамиз, "Локомотив" - "Ал Ҳилол" учрашуви 16:00да бошланади.

"С" гуруҳидаги вазият

Жамоа	Ў	Ю	Д	М	Т-Н	О
1.АЛ САДД	4	2	1	1	7-7	7
2.АЛ ҲИЛОЛ	4	2	1	1	5-2	7
3.ЛОКОМОТИВ	4	1	1	2	9-10	4
4.ФУЛАД	4	0	3	1	1-3	3

5-тур ўйинлари. 21 апрель
“Локомотив” - “Ал Ҳилол”
“Ал Садд” - “Фулад”

6-тур ўйинлари. 5 май
“Фулад” - “Локомотив”
“Ал Ҳилол” - “Ал Садд”

"Локомотив" бор эътиборини "Ал Ҳилол" билан баҳсга қаратади