"Локомотив" йиғин давомида тўртта синов-назорат учрашувида майдонга тушишни мақсад қилган. Жамоанинг биринчи ўйини Украина клуби "Десна"га қарши кечди. Маълумот учун, "Десна" Украина олий лигасида 3-ўринда боряпти.

"Локо" бош мураббийи Микаэль Секейра мазкур беллашувда икки хил таркибни синаб кўрди. Биринчи таймда қуйидаги футболчилар асосий таркибдан ўрин олишди: Жавоҳир Илёсов, Дилшод Комилов, Шерзод Файзиев, Жалолиддин Жумабоев, Шуҳрат Муҳаммадиев, Садриддин Абдуллаев, Азизбек Амонов, Диёр Туропов, Ғулом-Ҳайдар Гулямов, Санжар Қодирқулов, Темурхўжа Абдухолиқов.

Иккинчи бўлимда эса ушбу футболчилар ўйинни бошлашди: Абдумавлон Абдужалилов, Хуршид Мухторов, Диего Барданка, Ислом Қобилов, Фаррух Иброҳимов, Кахи Махарадзе, Жавоҳир Сидиқов, Ислом Рашидхонов, Авазбек Ўлмасалиев, Жавоҳир Алижонов, Марат Бикмаев.

Ўйин тугашига 15 дақиқа қолганида захирадан Бобур Асқаров билан Иброҳим Ғанихонов туширилди.

Учрашув "Локо" устунлигида кечди. "Темирйўлчилар" бир неча бор хавфли ҳужумлар уюштиришди, лекин гол уриш насиб этмади. Шу тариқа "темирйўлчилар" Туркиядаги илк назорат баҳсида 0:0 ҳисобини қайд этишди.

"Локомотив" Туркиядаги биринчи ўртоқлик ўйинида дуранг қайд этди