Лондон клуби бразилиялик футболчи учун "шаҳарликлар"га 70 миллион евро таклиф қилган. Бироқ ушбу сумма "Ман Сити"ни қониқтирмаган. Улар 21 ёшли футболчи учун камида 90 миллион евро талаб қилишмоқда. Томонлар музокараларни давом эттиришмоқда. Футболчининг ўзи ҳам Лондон клубига кўчиб ўтишга қарши эмаслигини маълум қилган. Савио ЖЧ олдидан доимий ўйин амалиётига эга бўлмоқчи ва "шпорлар" унинг учун мукаммал вариант деб ҳисобламоқда.

Эслатиб ўтамиз, Савио ўтган йилнинг ёзида "Манчестер Сити"га кўчиб ўтганди. У ўтган мавсум жами 48 та учрашувда майдонга тушди. Унинг ҳисобида 3 та гол ва 13 та голли узатма бор. Футболчининг "шаҳарликлар" билан тузган шартномаси якунига яна 4 йил бор.

"Манчестер Сити" футболчисини 70 миллион еврога сотмади