"Манчестер Юнайтед" клуби 3 нафар футболчини сотиб олиш учун 230 млн евро сарфлашга тайёр. Бу ҳақда Football365 нашри хабар берди.

"Қизил иблислар"нинг асосий мақсадларидан бири "Барселона" вингери Рафинья бўлиб турибди. Бразилиялик қанот ҳужумчиси учун МЮ 80+10 млн евро тўлашга тайёр.

Бундан ташқари, Рубен Аморим ўзига бегона бўлмаган ҳужумчи Виктор Гёкеришни ҳам Манчестерга олиб келмоқчи. Форварднинг шартномасидаги товон пули 80 млн еврони ташкил қилади.

Аморим сотиб олишни режалаштираётган учинчи ўйинчи "Боруссия Дортмунд" дарвозабони Грегор Кобель ҳисобланади. Маълум бўлишича, МЮ бош мураббийини Андре Онананинг ўйини унчалик ҳам қониқтирмаяпти.

"Манчестер Юнайтед" трансферлар учун 230 млн евро ишлатишга тайёр. Бу пул кимларга сарфланади?