«Севинч» бу турда Тошкентнинг «Пахтакор W» жамоаси билан баҳс олиб борди. Футболчиларимиз ўйинни жуда суст бошлашди. Натижада учрашув бошиданоқ ўз дарвозаларидан иккита гол ўтказиб юборишди. «Пахтакор W» жамоаси футболчиларимизнинг бўш ҳаракатидан унумли фойдаланишди.

Жамоамиз ушбу голлардан сўнг ўйин тизгинини қўлга олишди ва биринчи бўлимнинг ўзидаёқ рақиб дарвозасини уч марта ишғол қилишди. Биринчи бўлимдаги голларга Мафтуна Шойимова, Камола Рискиева ва Малика Бурхановалар муаллиф бўлишди.

Иккинчи бўлимда футболчиларимизнинг катта маҳорати ва жипслиги ўз натижасини кўрсатди. Рақибга нисбатан катта босим билан ҳаракат қилган футболчиларимиз, иккинчи бўлимда яна беш марта гол киритишга эришдилар. Иккинчи бўлимдаги голлларни Мафтуна Шойимова (2), Шахзода Жамолова (2) ва Мафтуна Панжиевалар киритишди.

Шундай қилиб, дастлаб ўз дарвозаларидан икки тўп олиб чиққан жамоамиз «Пахтакор W» жамоасини 8:2 ҳисобида мағлубиятга учратди. Бу натижа жамоамизни чемпионлик шоҳсупасига янада яқинлаштирди.

Эртага кичик воҳа дербиси бўлиб ўтади. Ҳал қилувчи босқичда «Севинч»дек уч ғалабани қўлга киритган «Шўртан Lady» жамоамизга рақиблик қилади. «Севинч» (Қарши) – «Шўртан Lady» учрашуви соат 10:20да бошланади. Ғузорлик футболчи қизлар жамоаси, ҳозирча турнир жадвалида пешқадам бўлиб туришибди.

Мини футбол бўйича XIII Ўзбекистон чемпионати, 3-босқич, 3-тур

«Пахтакор W» (Тошкент) – «Севинч» (Қарши) 2:8 (2:3)

18.03.2017. Тошкент ш., «Ёшлик» с/а

Ҳакамлар: Зилола Раҳматова, Маржона Раҳматқулова, Людмила Гейгер, Эдита Миробидова.

Голлар: Мадина Вохидова, 4′-1:0, 7′-2:0 – Мафтуна Шойимова, 16′-2:1, ‘-0:1, 25′-2:4, 27′-2:5, Камола Рискиева, 19′-2:2, Малика Бурханова, 19′-2:3, Шахзода Жамолова, 30′-2:6, 38-2:7, Мафтуна Панжиева, 40’-2:8.

«Пахтакор W»: 26.Жибек Мирзабекова, 10.Динара Тоирова, 1.Дилором Туланова (с), 4.Марина Косникова, 28.Умида Хатамова, 7.Мадина Ҳикматова, 17.Мадина Вохидова, 8.Розияхон Аскарова, 21.Зиёда Ирисбоева, 12.Екатерина Носкова, 19.Омина Валиханова, 29.Малика Халилова, 25.Мадина Абдураимова, 24.Камола Эркинова.

«Севинч»: 1.Лайло Тилавова, 16.Мафтуна Жонимқулова, 8.Камола Рискиева (с), 17.Танзила Зарбиева, 11.Шахзода Жамолова, 10.Ильвина Аблякимова, 7.Шахноза Қурбонова, 25.Мафтуна Шойимова, 20.Мафтуна Панжиева, 27.Шодия Тошева, 9.Севара Нормуродова, 37.Малика Бурханова, 72.Нилуфар Қудратова, 19.Олия Ахмедова.

Бугун бўлиб ўтган яна икки учрашув натижалари билан танишинг

«Шўртан Lady» (Ғузор) – «Юз работ» (Тошкент) 8:3

«ТАТУ» (Тошкент) – «Қирқ қиз» (Нукус) 5:2

Мини футбол. «Севинч» бугун «Пахтакор W»ни мағлубиятга учратди