"Қизиқарли ўйин гувоҳига айландик. Биринчи бўлим бошида кутилмаганда 2та стандарт вазиятдан ўтказиб юборган голимиз қийинчилик туғдирди. Шунга қарамасдан, ҳисобни қисқартира олдик. Футбол шуниси билан қизиқ. Тўп дарвозага кирмаса қийин экан. Иккинчи бўлимда Мартинда яхши вазият бор эди. Биз ура олмадик "Металлург" эса қарши ҳужумда имкониятидан фойдаланиб кетди. Ҳозир йигитларга ҳам айтдим, футболда охиригача курашилади. 1:3 бўлиб турган вақтда ҳам қўлни тушириб тўхтаб қолишгани йўқ. Шундан кейин ҳам вазиятлар бўлди, тўп кирита олмадик. Забиҳилло Ўринбоев тўртинчи голни урди. Охирги 2 йилда "Металлург" билан ўйинларда ишимиз юришмаяпти. Фурсатдан фойдаланиб мухлисларимиздан узр сўрайман. Улар ғалаба кутишганди. Охиригача қўллаб-қувватлашди. Ўйлайманки, навбатдаги учрашувларда мухлисларимизни хурсанд қиламиз",- дейди Миржалол Қосимов.

- Сўнгги 2 мавсумдан бери Суперлигада ОКМК айнан "Металлург"га мағлуб бўлмоқда. Қайсиди маънода "Металлург" "лаънати", десак ҳам бўлади. Бу нима билан боғлиқ?

- Ҳеч нарса билан боғлиқ эмас. Биринчи бўлимда 2та стандарт вазият. Аввалги учрашувларда биласиз камчиликлар ўз таъсирини ўтказган. Бу футболда учраб турадиган ҳолат.

- Олдинда жамоани ОЧЛда Ироқ жамоасига қарши ўйин кутмоқда. Кетма-кет 2та мағлубиятдан сўнг жамоани руҳан тайёрлаш қийин бўлмайдими?

- Ротатциялар қиламиз. Камроқ ўйнаган футболчиларга ўзини кўрсатиши учун имкон берамиз. Бу ишимизнинг бир қисми ва вазиятдан чиқиб кета оламиз.

- Абдулла Абдуллаев кетганидан сўнг жамоа 2та ўйинда 7та гол ўтказиб юборди. Абдулла Абдуллаевнинг кетиши қай даражада таъсир қилди?

- Жамоадар ҳар бир футболчининг ўрни бор. Ҳаёт шундай. Жамоа бўлганидан кейин бир ўйинчига таяниб қолмаслиги керак. Лекин ҳақиқатдан ҳам Абдуллани ўзининг ўрни бор эди. Унинг кейинги фаолиятига омад тилаб қоламиз.

Миржалол Қосимов: "Ўйлайманки, кейинги ўйинларда бу вазиятдан чиқиб кета оламиз"