Бугун тарихда қолаётган йилнинг энг яхши футболчиси маълум қилинади. "France Football" томонидан ташкиллаштириладиган тадбирнинг олдингиларидан катта фарқи бўлади. Нафақат ташкилотчиликда, балки ўтказилиш мундарижаси ҳам анчагина ўзгача бўлади. Аммо асосий эътибор шундайки, сўнгги 10 йиллик қаҳрамонлари Роналду-Месси даври тугаш арафасида.

***

Аммо биринчи навбатда соврин топширишнинг янгича формати ҳақида. Бунга қадар дунёнинг энг яхши футболчисини аниқлаш услуби бир неча бора ўзгарди. "France Football" ушбу совринни 1956 йилдан буён топширмоқда. Ва узоқ муддат бунга фақатгина европаликлар даъвогар бўлишди. 1995 йилдан кейин эса европаликларнинг ёнига ўзга қитъа вакиллари ҳам қўшилишди. 2010-2015 йиллар давомида "France Football" "Олтин тўп"ни ФИФА билан ҳамкорликда эгаларини аниқлашди. 2016 йилда эса томонлар ўз йўлларидан юришди. Чунки ўшанда "Олтин тўп" учун овоз бериш процедураси ўзгарганди. Бунга қадар соврин эгасини аниқлаш учун футбол аҳли вакиллари - мухлислар, термалар бош мураббийлари ва сардорлари овоз беришарди. Ҳозир эса фақатгина спорт журналистларининг овозлари инобатга олинмоқда. Аниқроғи, "France Football" олдинги негизга қайтишга қарор қилди. Яъни, бунгача термалар вакиллари ўзларининг истаган номзодини ёзиб юборишган бўлса, эндиликда кучли 30ликдаги футболчиларга овоз бериш мажбурий бўлди.

"Олтин тўп"-2018 маросимидаги янгиликлар борасида яна икки оғиз. "France Football" илк марта дунёнинг энг яхши аёл футболчисига ҳам "Олтин тўп" беради. Шунингдек, энг яхши ёш футболчига "Трофей Копа" соврини топширилиши ҳам тасдиқланди. "Реал" ва Франция термасининг собиқ футболчиси номи билан аталган ушбу совринни ким олади? Албатта, ўз ёшидаги "қирол"! Килиан Мбаппе.

Ким "Олтин тўп"ни (умуман олганда соврин бутунлай олтиндан эмас, жездан ишланган. Устига тилла суви юритилган. Ҳудди шундай ясалган 31 сантиметрлик ўйинчоқ бозорда 31 еврога сотилади) ким олиши борасидаги савол эса оғриқли. Илк марта унга ўз даврининг "қирол" футболчиси эга чиқмаслиги мумкин.

***

"Миллионлар" ўйинининг энг яхши футболчилари ўттизталик рўйхатда муносиб ўрнини топган. Уларнинг орасида Месси ва Роналду борлиги тушунарли. Ички инсайд маълумотларга ишонган ҳолда журналистлар "Олтин тўп"нинг бўлажак эгаси ушбу дуэт эмаслигини айтмоқда. Ғолиблик учун асосий даъвогар - Лука Модрич. Айтилишча, унинг совринга эга чиқиши аниқ бўлиб улгурган. У бунинг йўлида совриндор футболчилар Роналду ва Гризманни ортда қолдиради. Олдинроқ португалиялик ҳам франциялик ҳам ушбу маросимга бормаслиги борасида маълумотлар тарқаганди. Айтганча, бугун маросимда яна бир янгилик бўлади: бунга қадар якуний кучли учлик эълон қилинган бўлса, бу сафар бундай бўлмайди. У ердагилар барчасини сир тутишни исташганди. Бироқ барчаси гуллаб қўйилмоқда.

***

Нима учун айнан Лука Модрич? Ҳа, бунинг барчаси оддий. Келинг барчасини қайтадан бошлаймиз. 2018 йилда футбол оламидаги муҳим мусобақа бўлаб ўтди. Айнан ушбу турнирга қараб совриннинг эгаси аниқланиши келишиб олинди.

НИМА УЧУН МОДРИЧ "ОЛТИН ТЎП"ГА ЛОЙИҚ?

Мундиалда Роналду, Месси ёки Неймар қаергача борди? Дастлабки икки ном плей-оффнинг илқ босқичидаёқ уйга равона бўлди. Учинчиси эса чорак финалда тўхтади. Уларнинг барчаларига ҳурмат сақлаган ҳолда айтамизки, учала футболчи ҳам Россия майдонларида ўз изини қолдирмади. Ҳа, Роналду ЕЧЛда тўпурар бўлган ҳолда турнир ғолибига айланди. Месси эса Испанияда чемпион бўлди ва чемпионатда энг кўп голни урди. Бироқ бу доимги натижалар. Айниқса португалияликда. "Олтин тўп" эса бир йил давомидага натижаларга қараб берилади. Унда нима учун соврин Франция термасидаги футболчиларга берилмайди?

Бунга жавоб тепада. "Ле Бле" ҳам турнирнинг асосий фаворитларидан бири эди. Бу терманинг асосий кучи индивидуалликда. Бироқ бу жамоада барчадан зўр бўлган, фаоллиги билан ажралиб турган, ҳаммадан кўпроқ гол урган бирор бир футболчини ажратиб бўлмайди. Погба-Канте, Варан-Умтити, Гризманн-Мбаппе. Уларнинг барчаси бир даражада. Германиянинг ғолиблиги билан якунланган ЖЧ-2014ни эсланг. Унда бўлган Бундестим аъзоларини бир-биридан зўр деб бўлмасди. Якунда Мануэль Нойер "Олтин тўп" учун номзодлар қаторида бўлди. Бироқ у бу совринга эга чиқмасди. Албатта, ҳужумчи каби гол урмайдиган дарвозабон ушбу индивидуал совринни қўлга киритиши жуда қийинлигини ўзингиз биласиз.

Франция термасидаги барча футболчиларнинг савияси бир хил, бу фикримизни янада тиниқлаштириш учун айтилган гап. Аммо ҳозирда уларда Зидан услубидаги футболчилар йўқ. Гризманн ўз ҳаракатлари билан "Олтин тўп"га лойиқ эканлигини исботлади. Аммо бу ҳайратланарли эмас. Бошқа номзодлар билан солиштирадиган бўлсак, Гризманн "Олтин тўп" учун муносиб эмас. Франция усиз ҳам жаҳон чемпионига айланарди.

***

Модрич эса ноёб футболчи. У юқоридагилар тоифасидан эмас. У ягона. У Хорватия термасидаги Зидан. Усиз Хорватия мундиалда яхши натижа қайд эта олмасди. У Хорватия ва "Реал"нинг муҳим футболчиси.

Жаҳон чемпионатидаги ажойиб ўйинларидан кейин дунёнинг эътибори бироз ўзгарди ва ЕЧЛ турнирини четга чиқариб қўйди. Мухлислар Луканинг ҳар бир ўйинидан завқ олишади. Ҳозирча Модрич "Олтин тўп"ни қўлга киритганича йўқ. Аммо барча Модричга овоз бераётгани аниқ. Бунинг ҳеч қандай ёмон жойи йўқ.

Модрич нима учун "Олтин тўп"га муносиб?