Унга кўра турдаги энг яхши мураббий деб “Нефтчи” бош мураббийи Мурод Исмоилов топилди. Боиси фарғоналиклар мазкур турда амалдаги чемпион “Бунёдкор” майдонидан бир очко билан қайтишга муваффақ бўлди.

- Тур рамзий терма жамоасини бериб борилаётгани яхши албатта. Бу ўз навбатида нафақат мухлисларга балки футболчи ва мураббийларга ҳам қизиқ. Бундай эътибордан кейин ҳар қандай мураббий ва футболчи янада кўпроқ ишлашга интилади – дея гап бошлади Мурод Музаффарович.

- Очиғи, 11-турнинг рамзий терма жамоасидан ўрин эгаллашимни кутмагандим. Чунки бунга олий лигада бир қатор номзод мураббийлар бор. Албатта сайт ижодкорлари мени шунга муносиб топишганидан хурсандман. Уларга миннатдорчилик билдириб қоламан. Қолаверса бизни қўллаб-қувватлаб келаётган содиқ мухлисларимизга ҳам раҳмат айтиб қоламан. “Бунёдкор”дан очко олишимизда йигитларнинг меҳнати катта бўлди. Рамзий терма жамоага киришимда айнан футболчиларимизнинг ҳам ҳиссаси бор деб биламан.

- Қолаверса 11-тур рамзий терма жамоасидан мендан яна ташқари “Нефтчи”нинг икки вакили Ғайрат Ҳасанов билан Рўзимбой Аҳмедовнинг ҳам жой олгани бизни хурсанд қилди. Ҳақиқатдан ҳам улар шу куни ажойиб ўйин кўрсатишди. Умуман айтганда сафардан очко билан қайтишимизда бутун жамоанинг хизмати катта бўлди.

- Насиб қилса жамоамиз келгуси учрашувларда ҳам мухлисларни қувонтиришга ҳаракат қилади – дейди Исмоилов.

Мурод Исмоилов: “Тур рамзий терма жамоага кириш бу ҳар қандай мураббийни хурсанд қилади”