Бугун футболчиларимиз икки таркибга бўлинган холда назорат беллашувини ўтказишди. Сариқ ва қизил либосли жамоалар ўртасидаги кечган бахсда "қизиллар" 2:0 ҳисобида зафар қучишди. Голларга Ғайрат Жўраев ва Рўзим Аҳмедов муаллифлик қилишди. Машғулотда бетоблиги боис Илҳом Бойдедаев ва Леонид Кошелевлар қатнашишмади. Айтиш жоизки, машғулот чоғида Ғайрат Жўраев тўп учун курашда Павел Леус билан тўқнашиб, жарохатланди. Ярим ҳимоячимиз жиззахликларга қарши ўйинда "лочинлар"га ёрдам беролмайди. Уч кунгача "Навбаҳор" кунига икки махалдан машғулот ўтказиб келганди. Бундан буёғига футболчилар бир махалдан тайёргарлик ўтказишади.

Икки томонлама учрашувда жамоалар таркиби қуйидагича кўриниш олди:

"Сариқлар": Павел Леус, Тимур Султонов, Тимур Яфаров, Жаҳонгир Меҳмонов, Дурбек Умаралиев, Азим Аҳмедов, Ислом Исмоилов, Оятилло Мухиддинов, Абулазиз Султонов, Абдумалик Абдуллаев, Соҳиб Абдуллаев.

"Қизиллар": Виктор Мочалов, Ботир Тўрабоев, Рустам Аъзамов, Собир Ҳамидов, Акрам Бахриддинов, Аъзам Алиев, Ғайрат Жўраев, Аюбхон Гаппаров, Александр Лупашко, Абдураззоқ Жўраев, Рўзим Аҳмедов.

"Навбаҳор": "Қизилқум"га қарши тайёргарлик давом этмоқда"