Хусусан мухтарам Президентимиз Ш.Мирзиёев томонидан 2019-йил 4-декабр санасида имзоланган ПФ-5887-сонли "Ўзбекистонда футболни ривожлантиришни мутлақо янги босқичга олиб чиқиш чора-тадбирлари тўғрисида"ги фармони хам бунга яққол мисол десак муболаға этмаган бўламиз. Ушбу фармонда ўзбек футболини ривожлантиришни янги тизимини яратиш ва у орқали бутун ўзбек халқи орзусидаги Жахон чемпионатига чиқиш вазифасини уддалаш энг устувор қилиб белгиланган. Фармонда миллий чемпионатларимизни кучайтириш билан биргаликда турли ёшдаги терма жамоаларимизга истеъдодли футболчиларни етказиш хам асосий вазифалардан биридир.

Фармонда кўрсатилган яна бир устувор вазифалардан бири бу умумтаълим мактабларининг 3-4, 5-6 ва 7-8 синф ўқувчилари ўртасида "Мактаблар футбол лигаси" мусобақасини ўтказиш хисобланади. Бу мусобақани ташкил этишдан асосий мақсад ўзбек футболининг энг оғриқли нуқтаси хисобланган болалар футболидаги муаммоларни бартараф этиш ва худудларлаги БЎСМ, ИБЎСМ, ФММ, профессионал футбол клубларига ёш иқтилорли футболчиларни саралашдир.

Бугун эса Навоий шахридаги 1-сонли ихтисослаштирилган умумтаълим мактабида ушбу мусобақага старт берилиб, 3-4 хамда 5-6 синф ўқувчилари ўртасида дастлабки синфлар кесимидаги босқичига старт берилди. Мусобақа давомида учрашувларга мактаб жисмоний тарбия ўқитувчилари хакамлик қилишди. Бундан ташқари вилоят футбол ассоциацияси болалар ва ўсмирлар футболини ривожлантириш мутахассиси И.Нуруллаев хам ташриф буюриб, ёш истеъдодларни махоратларини диққат билан кузатиб борди. Эслатиб ўтамиз эртага мактабнинг 7-8 синф ўвувчилари ўртасида хам синфлар кесимидаги босқич мусобақалари ўтказилади.

Шаҳбоз Ғуломов

Навоий вилоятида "Мактаблар футбол лигаси"га старт берилди