Бу сафарги спарринг-рақибимиз олий лига вакили “Машъал” жамоаси эди. “Жар” стадионининг машғулот майдонида ўтган баҳсда муборакликлар 2:0 ҳисобида зафар қучди. Аввалига Зоҳир Қўзибоев ҳисобни очган бўлса, кейинчалик Ҳумоюн Муртазоев ҳам ўз ҳисобига гол ёздириб қўйишга эришди. Гарчи футболчиларимизда бир неча бор гол уриш учун имкониятлар юзага келган бўлсада, якунда ҳисоб бошқа ўзгармади. Мазкур учрашув орқали мураббийлар штаби футболчиларнинг имкониятларини яна бир бор кўздан кечириб олди.

“Андижон”: Акмал Ортиқов, Равшан Асланов, Ҳамза Каримов (Абдулазиз Ёқубов), Сирож Ҳамроев (Қаҳрамон Маҳамаджонов), Фурқат Ҳасанбоев, Фарҳод Бекмуратов (Жаҳонгир Маҳсудов), Иброҳим Отахонов (Мақсуд Маҳмудов), Собир Ҳамидов (Фирдавс Асадов), Акмал Холматов (Ойбек Нурматов), Шаҳбоз Жумабоев (Рафик Каримов), Анвар Бердиев (Алишер Абдувоҳидов).

Мазкур учрашувдан сўнг футболчиларга қисқа муддатли дам берилди. 3 август куни жамоа аъзолари клуб қароргоҳида йиғилади ва чемпионатга сўнгги тайёргарлик яна Андижонда бўлиб ўтади.

“Андижон” матбуот хизмати.

Назорат учрашуви. “Машъал” – “Андижон” 2:0