Фақат озиқ-овқат дўкони ёки дорихонага бориш учун кўчага чиқиш мумкин. Ҳеч ким билан мулоқот қилмасангиз ҳам югуриш мумкин эмас.

Бундай қоида ҳамма ерда ҳам ишламаяпти. Европанинг баъзи мамлакатларида кўчада машғулот ўтказиш мумкин, аммо бу хато бўлиши мумкин.

Бельгия ва Голландия олимлари масофа сақлаб югуриш ёки велосипедда сайр қилиш хавфсизлиги борасида тадқиқот ўтказишди. Ҳозир кўплаб мамлакатларда 1-2 метр масофа сақлаш кераклиги ҳақида маслаҳатлар беришмоқда, аммо маълум бўлишича бу фақат бино ичида ёки суст шамолда иш беради.

Югуриш пайтида одам ҳавода булут бўлакларини қолдириб нафас олади, акс уради ёки йўталади. Унинг ортидан келаётган киши мана шу булутчалар ичидан ўтади.

Қизил нуқталар - энг йирик бўлаклар. Улар катта эҳтимол билан сизни вирус билан зарарлайди (агар олдингиздаги касал бўлса), бироқ қизил нуқталар тез ерга тушади. "Сиз ушбу булутча орасидан ўтиб кетишингиз мумкин, аммо унинг баъзи қисимлари кийимингизга ўрнашиб қолади" - дейди профессор Берт Блокен.

Моделлаштириш шуни кўрсатдики, масофа сақлаб югуриш фақат ёнма-ён ҳаракатланаётган икки кишида фойда беради. Шу ҳолатдагина булутчалар ерга қўнади. Олдинма-кетин югургандагина вирус юқтириб олиш эҳтимоли пайдо бўлади. Велосипед учишда ҳам худди шундай.

Олимларнинг хулосаси:

Бир йўлакда ҳаракатланаётган пиёдалар орасидаги масофа камида 4-5 метрни ташкил қилиши керак, югуриш ёки велосипедда секин ҳаракатланувчилар ўртасида 10 метр, катта тезликдаги велосипедлар учун камида 20 метр.

Нега карантин вақтида велосипед учиш ёки югуриш мумкин эмас? Олимлар барча таваккални ҳисоблаб чиқишди