Даставвал чорак финал жуфтликларини яна бир марта ёдга олиб ўтсак.

"Ал Айн" (БАА) - "Ал Ҳилол" (С.Арабистони)

"Персеполис" (Эрон) - "Ал Аҳли" (С.Арабистони)

"Шанхай СИПГ" (Хитой) - "Гуангжу Эвергранд" (Хитой)

"Кавасаки Фронтале" (Япония) - "Урава Редс" (Япония)

Ҳозирда Ғарбий Осиё клублари янги мавсумга тайёргарлик кўришмоқда. Шу билан бирга трансферлар ҳам авж олган. Шарқий Осиёда эса миллий чемпионат ўйинлари давом этмоқда.

Қуйида ОЧЛ чорак финалига йўл олган клублар таркибида рўй берган ўзгаришлар ҳақида тўхталиб ўтамиз.

"Ал Айн" (БАА)

Жамоага келганлар: Тцукаса Шиотани ("Санфрече Хиросима"), Маркус Берг ("Панатинаикос")

Жамоадан кетганлар: Ли Мюнг Жу ("Сеул"), Носир Ал Шамрони ("Ал Ҳилол"), Саид Ал Хатри ("Ал Дафра")

"Ал Айн" ҳозирча ўз сафини икки янги футболчи билан тўлдирди. Жамоа япониялик Шиотани билан Швеция терма жамоаси ҳужумчиси Маркус Бергни таркибга қўшиб олди. "Ал Айн"да ўйнаган Носир Ал Шамронининг ижара муддати тугади ва яна "Ал Ҳилол"га қайтиб кетди. Бундан ташқари клуб Омар Абдулраҳмонни "Ницца"га сотишга рози бўлмади.

"Ал Ҳилол" (Саудия Арабистони)

Жамоага келганлар: Али Ал Булайҳи ("Ал Фатҳ"), Мухтар Фаллатаҳ ("Ал Ваҳда"), Омар Хрибин ("Ал Дафра"), Али Ал Ҳабси ("Ридинг"), Моҳамед Канно ("Ал Иттифоқ"), Ҳассан Кадеш ("Ал Иттифоқ"), Матиас Бритос (УНАМ).

Жамоадан кетганлар: Абдулмажид Ал Рувайли ("Ал Фейҳа").

Янги мавсум олдидан "Ал Ҳилол"нинг энг катта трансфери уммонлик дарвозабон Али Ал Ҳабсини қўлга киритгани бўлди. Шунингдек, Уругвай U-22 терма жамоаси ярим ҳимоячиси Матиас Бритос ҳам таркибга қўшиб олинди. Қолаверса, ижарадан ҳужумчи Носир Ал Шамрони қайтди.

"Персеполис" (Эрон)

Жамоага келганлар: Шожа Халилзода ("Сепахан"), Годвин Менша, Сиамак Немати (ҳар иккаласи "Пайкан")

Жамоадан кетганлар: Рамин Резаеян ("КВ Остенде")

"Персеполис" Ироқ футболчиси Башар Ресанга ҳам қизиқмоқда, бироқ ҳозирча уни қўлга киритмади. Жамоа Қатарнинг "Ал Хор" жамоасидан Соруш Рафиени ҳам сотиб олиши мумкин. Ҳозирча "Персеполис" хориждан футболчи олиб келгани йўқ.

"Ал Аҳли" (Саудия Арабистони)

Жамоага келганлар: Аҳмад Ал Заин ("Ал Таавон"), Клодмир Де Соуза ("Брюгге")