Гап шундаки, мусобақани давом эттириш учун "А" ва "B" гуруҳидаги жамоалардан ҳеч ким қолмади. "С" ва "D" гуруҳидагилар эса кейинги босқичга йўл олишди.

Гуруҳ ўйинларида "Локомотив"га ўзида жавобсиз тўртта гол урган "Ал Аҳли", шунингдек "Озоди" стадионида 2:0 ҳисобида зафар қучган "Истиқлол" мусобақа билан хайрлашди. "Локо" бош мураббийи Андрей Микляев "А" гуруҳини энг кучли гуруҳ дея айтиб ўтганди, аммо нимчорак финалдан сўнг ҳеч ким қолмади.

"Бунёдкор" гуруҳидагилар эса анча кучли чиқиб қолишди. Хусусан, "Ал Айн" ўз майдонида "Истиқлол"ни 6:1 ҳисобида мағлуб этиб мусобақадан чиқариб юборди. Саудия Арабистонининг "Ал Аҳли" клуби эса Дубайдаги номдошини сафарда мағлуб этди.

"В" гуруҳида баҳс олиб борган "Лаҳвия" билан "Истиқлол Хузистон" ҳам бу йилги чемпионлар лигаси билан хайрлашди. Аксинча, "D" гуруҳидан чиққан жамоалар - "Ал Ҳилол" билан "Персеполис" энди чорак финалда ҳам курашни давом эттиришади.

Айтиш мумкинки, бу йилги Осиё чемпионлар лигаси барча уч клубимиз учун муваффақиятсиз тугади. "Насаф" гуруҳ босқичига чиқа олмаган бўлса, "Локомотив" билан "Бунёдкор" фақат битта ўйинда ғалаба қозонган ҳолда ўз гуруҳларида охирги бўлишди. Бундан ташқари, иккала жамоа ҳам олтита ўйинда бир хил 12 тадан тўп ўтказиб юборишди. Энди бор умид кейинги йил бўлиб ўтадиган ўйинлардан.

ОЧЛ воқеалари. "Локомотив" гуруҳидагилар мусобақани тарк этди, "Бунёдкор" гуруҳидагилар чорак финалда