Кўрсатув бошловчиларидан бири футболчимиздан Хитойга қарши баҳсдан (0:1) сўнг берган интервьюси ҳақида сўради.

"Ўша учрашувдаги (Хитойга қарши) мағлубият жуда алам қилди. Жаҳл устида гапирдим (интервью). Сўзларим футболга тегишли инсонларга етиб борсин деб гапирдим. Булар - футболчилар, мураббийлар ва шу соҳада ким ишласа ўшалар. Ўйиндан сўнг йигитлар билан суҳбатлашиб, ҳаммаси ўз қўлимизда эканлигини тушунтиришга ҳаракат қилдим. Бу интервьюдан сўнг менга ёзганлар бўлди. Бу интервьюдан пушаймон бўлганим йўқ. Ўзбек футболи ривожланишини истайман. Ушбу жаҳон чемпионати мен учун ҳам сўнгги имконият эди. Кейинги саралашда ёшим 34-35га етиб қолади. Терма жамоага янги қон керак. 34-35 ёшда шунчаки фамилиям эмас, ҳозир терма жамоага қўшилиб, 2-3 йилдан сўнг яхши формага кириб олган футболчи тўп тепишини истайман. Терма жамоага янги ёш футболчиларни олиб келиш керак бўлса, кетишга тайёрман. Тўғриси, ўша икки учрашувдан сўнг қандай ҳолатга тушганимни ўзим биламан. Шу сабабли, ҳар соҳада ўзининг усталари ишлаши керак деб ўйлайман. Берган интервьюимда айнан шу ҳақида айтмоқчи эдим" - дейди Одил Аҳмедов.

Одил Аҳмедов: "Хитойга қарши баҳсдан кейинги интервью? Футболга тегишли инсонларга етиб борсин деб гапирдим"