Олий лига, 14-тур. 26 июнь
ҚЎҚОН-1912 - ШЎРТАН

Бош ҳакам: Равшан Эрматов
Бошланиш вақти: 18:00

Жадвалдаги ўрни: "Қўқон-1912" 16-ўринда (6 очко), "Шўртан" 10-ўринда (16 очко)
Очколар орасидаги фарқ - 10 очко

Таъриф: Олий лигада қолиш учун ҳаракат қилаётган "Қўқон-1912" ўз майдонида "Шўртан" билан баҳс олиб боради. Ҳозирда иккала жамоа ҳам икки хил кайфиятда. Охирги ўйинларни ғалаба билан билан якунлаган ғузорликлар турнир жадвалида 10-поғонага кўтарилиб олишди. Кеча "Обод" ғалаба қозонгач, "Қўқон-1912" охирги ўринга тушиб қолди. Бугунги ўйинда жамоаларнинг имконияти тенг дея оламиз.

Факт: "Қўқон-1912" мана 10та ўйиндирки фақат мағлубиятга учрамоқда. Жамоа ҳатто дуранг ўйнолгани йўқ. Бугун майдон эгалари ушбу нохуш анъанани йўққа чиқара олишадими? Буни эса беллашув якунида билиб оламиз. "Шўртан" қаторасига тўртта учрашувда ғалаба нашидасини сурди. Ғузорликлар бугун ҳам зафар қучадиган бўлишса, бу кетма-кет бешинчи ғалаба бўлади.

Эслатма: Кеча бўлиб ўтган "Қўқон-1912" - "Шўртан" (Ёшлар лигаси) баҳсида меҳмонлар 3:2 ҳисобида ғалаба қозонишди.

Олий лига. "Қўқон-1912" 10та ўйинлик нохуш анъанага барҳам бера оладими?