Якунига етган мавсумда Рашидхонов рақиб дарвозасини ишғол қилган энг ёш футболчига айланганди. У олий лиганинг 8-туридан ўрин олган “Насаф” - “Қизилқум” учрашувида ўз номини таблога ёздириб қўйган эди.

Бу унинг олий лигадаги илк голи эди. Якунда ўша гол Наманган футбол мактаби тарбияланувчисига олий лигада рақиб дарвозасига йўл топа олган энг ёш гол муаллифи мақомини олиб берганди. “Қизилқум” дарвозасини ишғол қилган куни Ислом 18 ёшу 198 кунлик эди.

Албатта, бу Исломнинг шахсий танлови. Шу боис, Рашидхоновнинг танловини ҳурмат қилишингизни сўраймиз.

- Ислом, йил сўнггида энг яхши мураббий ва футболчиларни аниқлаш одат тусига кирган. Бу борада шахсий танловингиз қандай? Ҳар икки йўналишда ўз овозингизни кимларга берган бўлар эдингиз?

- Мураббийлар номинациясида биринчи ўринни Рўзиқул Сайдуллаевичга бераман. Иккинчи ўринга “Бунёдкор” бош мураббийи Сергей Лушанни муносиб, деб ўйлайман. “Бухоро” жамоаси мураббийи Жамшид Саидовни учинчи ўринда кўришни истардим.

- Футболчилардан-чи?

- Иккинчи даврада жамоамиз сафига келиб қўшилган Драган Черанни мавсумнинг энг яхши футболчиси деб биламан. Кучли учликда жамоадошим Баҳром Абдураҳимов ҳамда “Бунёдкор” ҳужумкор ярим ҳимоячиси Элдор Шомуродовга овоз берардим.

Камолиддин АЛИМОВ суҳбатлашди

Олий лиганинг энг ёш гол муаллифи йилнинг энг яхшиларини айтди