Бугун бир қанча ўйинчиларимиз, терма жамоа таркибига чақирилганлари боис, жамоамизга ёрдам беришмади.

Учрашувнинг биринчи бўлимида рақибига нисбатан фаолроқ ҳаракат қилган жамоамиз, мезбонлар дарвозаси яқинида бир неча хавфли вазиятлар яратишди, аммо ўйинчиларимизда дарвозани ишғол этишда аниқлик етишмади.

Биринчи бўлимда ҳисоб очилмади.

Иккинчи бўлим бошида ўз таркибида тўртта ўзгариш қилган “Машъал” жамоаси анча фаол ҳаракат қилди. Жамоамиз эса кўпроқ ҳимояланишга мажбур бўлди.

Учрашувнинг 55-дақиқасида мезбонлар жарима майдончамиз яқинида стандарт вазият ишлаб олишди. Жаримани Зафар Тўраев амалга оширди. Унинг тепган тўпи ўйинчиларимизнинг бирига тегиб дарвозамиздан жой эгаллади – 1:0.

Бу голдан кейин ҳам майдон эгалари кетма-кет ҳужумлар уюштириб, дарвозамизга хавф солиб туришди. Учрашувнинг 76-дақиқасида ҳисоб 2:0га ўзгарди. Бунда ҳимоячимиз Ш.Аъзамов хатога йўл қўйган эди. У оддий вазиятда шеригига тўпни оширишда хато қилди. Натижада Марадона Сафаров тўпни эгаллаб олиб, дарвозамизга 2-голни киритди. Унга қаршилик қиладиган ўйинчи йўқ эди.

Бу ҳисобдан кейин ўйинчиларимиз ҳужумларга зўр беришди. Вазиятлар ҳам яратилди. Яна ўша ҳолат, ҳужумларни голга айлантиришда аниқлик етишмаслик.

Шундай қилиб, бугунги ўртоқлик учрашувида “Машъал” ғалаба қозонди. Бу учрашув ҳар иккала жамоага навбатдаги тур учун тайёргарлик вазифасини ўтаб берди.

Эслатиб ўтамиз, “Насаф” 13-тур учрашувини сафарда “Шўртан” жамоасига қарши ўтказади.

Ўртоқлик учрашуви
“Машъал” (Муборак) – “Насаф” (Қарши) 2:0 (0:0)
08.06.2017. “Б.Вафоев” марказий стадиони. 19:00да
Бош ҳакам: Наим Қосимов (Қарши)
Қанот ҳакамлари: Артём Калинин (Қарши), Фарход Усмонов (Қарши).
Назоратчи: Асрор Хаджаев (Қарши).
Гол: Зафар Тўраев, 55’-1:0, Марадона Сафаров, 76’-2:0

”Машъал”: 35.Жавоҳир Илёсов (30.Ботир Носиров 46), 2.Искандар Шойқулов, 3.Сардор Раҳмонов, 8.Мирзакамол Камолов, 10.Ҳумоюн Муртазоев (90. Зафар Тўраев 46), 13.Шахзод Шайманов, 44.Асилжон Бегимқулов, 55.Аваз Агалиев, 22.Бобир Қосимов,( 6.Сардор Абдураимов 46) 77. Абдулоҳ Олимов, 16. Марадона Сафаров (19.Зоҳир Қўзибоев 46).
Захира: 53.Раҳимжон Давронов, 17.Владислав Павленко, 28.Аббос Амонов, 23.Кенжа Тўраев.

“Насаф”: 35.Санжар Қувватов (1.Умиджон Эргашев 58), 4.Мақсуд Каримов (22.Игорь Голбан 58), 8.Сирожиддин Қўзиев (16.Ғолиб Ғайбуллаев 65), 9.Дилшод Хушбаков, 10.Дилшод Раҳматуллаев, 20.Ислом Кенжабоев, 23.Шерзод Аъзамов (с), 27.Ислом Рашидхонов (18.Баҳром Абдураҳимов 46), 31.Сайдулло Раҳматов, 38.Дониёр Нарзуллаев, 45.Бобир Абдухолиқов (69.Драган Черан 65).

Огоҳлантириш: Искандар Шойқулов 45, Аббос Шодмонов 75 - Игорь Голбан 64, Дониёр Нарзуллаев 78.

Ўртоқлик учрашуви. “Машъал” – “Насаф” 2:0