Бош мураббий Вадим Абрамов 12 октябрь кунги БААга қарши ўйин учун Миллий жамоамизга 24 нафар футболчини жалб этган.

МТЖ делегацияси бугун Тошкент-Дубай HY333 ҳаво рейси билан соат 17.50да Бирлашган Араб Амирликлари томон парвоз қилади. Делегация маҳаллий вақт билан 20.25да Дубай халқаро аэропортига етиб боради.

Шундан сўнг, Миллий терма жамоамиз вакиллари “Ал Бустан Ротана” меҳмонхонасига жойлашади. Жамоа аъзолари эртага БАА футбол ассоциацияси майдонида дастлабки машғулотларини ўтказади.

Ўзбекистон терма жамоасининг БАА билан ўйин учун футболчилар рўйхати:

Дарвозабонлар: Элдорбек Суюнов ("Пахтакор"), Абдувоҳид Неъматов ("Насаф"), Раҳимжон Давронов ("Машъал")

Ҳимоячилар: Рустамжон Ашурматов ("Кванджу", Жанубий Корея), Игорь Голбан ("Навбаҳор"), Исломжон Қобилов ("Бунёдкор"), Иброҳимҳалил Юлдашев ("Бунёдкор"), Мурод Ҳолмуҳаммедов ("Қўқон-1912"), Фаррух Сайфиев ("Пахтакор").

Ярим ҳимоячилар: Отабек Шукуров ("Шаржа", БАА), Лутфулла Тўраев ("Бунёдкор"), Аброрбек Исмоилов ("Пахтакор"), Азиз Турғунбоев ("Навбаҳор"), Ҳожимат Эркинов ("Пахтакор"), Икром Алибоев ("Сеул", Жанубий Корея), Акмал Мозговой ("Насаф"), Санжар Қодирқулов ("Бунёдкор"), Жалолиддин Машарипов ("Пахтакор"), Одилжон Ҳамробеков ("Пахтакор"), Достонбек Ҳамдамов ("Пахтакор"), Азизжон Ғаниев ("Шабаб Ал Аҳли", БАА).

Ҳужумчилар: Шаҳзод Убайдуллаев ("Металлург"), Жасур Яхшибоев ("Шахтёр Солигорск", Беларусь), Игорь Сергеев ("Пахтакор").

Ўзбекистон МТЖ бугун БААга учиб кетади