Айни кунларда Осиёнинг тўртта давлатида U-16 ўсмир қизлар ўртасидаги Осиё чемпионати саралаш ўйинлари давом этмоқда. Вьетнам мамлакати мезбонлик қилаётган саралашнинг "D" гуруҳи 4-тури доирасида Ироқ ўсмир қизларига қарши майдонга тушган Ўзбекистон U-16 ўсмир қизлари мусобақадаги иккинчи ғалабасини қўлга киритишди ва очколари сонини 7тага етказиб олишди.

Эслатиб ўтамиз, гуруҳдаги илк учрашувда Вьетнамга 1:2 ҳисобида мағлуб бўлган ўзбекистонлик ўсмирлар 2-турда Фаластин ўсмирлари билан дуранг ўйнашган 1:1 ва Гонгконгни 2:0 ҳисобида мағлуб этишганди.

Ўзбекистон терма жамоаси 3 сентябрь куни гуруҳ пешқадами Австралияга қарши ўйнайди.

U-16 ўсмир қизлар ўртасида ОЧ саралаши.

"D" гуруҳи, 4-тур.

1 сентябрь. Ханои, Вьетнам.

Ўзбекистон U-16 – Ироқ U-16 – 4:0.

Голлар: Шаҳноза Юсупова 6, 72, Анора Фармонова 47, Тожинисо Рашидова 57

Ўзбекистон U-16: Зарина Саидова (Екатерина Носкова, 77), Озода Хожиева, Тўраева Маржона, Шахноза Юсупова, Тожинисо Рашидова (Шаҳзода Фозилова, 64), Альбина Бобоқулова, Анора Фармонова, Ильвина Камалиева (Парвина Шомирзаева, 46), Диёра Эркинова, Меҳриёна Тоирова, Мадина Ҳикматова.

Ўзбекистон U-16 ўсмир қизлари Ироқни 4:0 ҳисобида мағлуб этишди