Ўзига хос фестивал МОҚ биноси ва "Пахтакор" стадиони ҳудудида ўтказилди.

“Олимпия куни” дунёда энг оммавий тарзда нишонланадиган спорт байрамларидан бири ҳисобланиб, ҳар йили Халқаро олимпия қўмитасига аъзо 206 давлатда ўтказилади. Тадбирни ўтказишдан кўзланган асосий мақсад – аҳоли орасида соғлом турмуш тарзини ҳамда олимпизм ғояларини кенг тарғиб этиш, катта-ю, кичик қалбида жисмоний тарбия ва спортга бўлган мехрни янада юксалтиришдан иборатдир.

Дастлаб карнай-сурнай садолари остида барча иштирокчилар жам бўлишди.

Шундан сўнг, МОҚ президенти Мираброр Усмонов сўзга чиқиб, йиғилганларни ушбу кун билан табриклади.

Ундан кейин катта экранларда Халқаро олимпия қўмитаси президенти Томас Бахнинг табриги қўйилди. Давлат мадхиямиз янграгач "Олимпия куни" расман очиқ деб эълон қилинди.

Мусобақаларда 5 ёш ва ундан катта иштирокчилар турли масофаларга югуриш бўйича баҳс олиб боришди.

Қувонарлиси, журналистлар ўртасида 500 метрга югуриш баҳсларида сайтимиз вакили Толибжон Қосимов маррага иккинчи бўлиб етиб келди ва шохсупага кўтарилганлар орасидан ўрин олди.

Бундан ташқари, иштирокчилар спортнинг бокс, таэквондо (WTF), дзюдо, велоспорт, стол тенниси, енгил атлетика ва камондан отиш турлари бўйича ўз имкониятларини синовдан ўтказишди.

Кун давомида эстрадамиз юлдузлари қатнашчиларни ўз қўшиқлари билан мамнун этишди.

Мусобақалар давомида барча ғолиб ва совриндорларга махсус сертификат ва совғалар топширилди.

Хабарнинг давомини ва ушбу қизиқарли тадбирдан олинган эксклюзив суратларни olamsport.com сайтида томоша қилинг!

Ўзбекистонда "Олимпия куни" бўлиб ўтди (+эксклюзив суратлар)