15 ноябрь куни Таиланднинг Пхукет шаҳрида пляж спорт турлари бўйича Осиё Ўйинларига старт берилди. Осиё Ўйинларининг пляж футболи мусобақасида иштирок этаётган Ўзбекистон терма жамоаси «С» гуруҳи 2-тур ўйинида Баҳрайн терма жамоасига қарши баҳс олиб борди ва голларга бой бўлган учрашувда 4:3 ҳисобида ғалаба қозонди. Ўзбекистон терма жамоаси аъзоси Тохир Абдураззоқов учрашувда дублга эришган бўлса, яна бир голга Жамолиддин Шарипов муаллифлик қилди. Ўзбекистон терма жамоасининг яна бир голи Баҳрайнлик футболчига автогол сифатида ёзилди.

Эслатиб ўтамиз, Ўзбекистон терма жамоаси гуруҳдаги 1-тур ўйинида 15 ноябрь куни Хитой терма жамоасига 0:2 ҳисобида мағлубиятга учраган эди.

Аҳад Юсупов бош мураббийлигидаги пляж футболи бўйича Ўзбекистон терма жамоаси чорак финалд «D» гуруҳи жамоаларидан бирига қарши баҳс олиб боради. Маълумот ўрнида «D» гуруҳида Япония, БАА ва Малайзия терма жамоалари баҳс олиб боришмоқда.

Осиё Ўйинлари. Пляж футболи. Эркаклар. «C» гуруҳи. 2-тур.
Ўзбекистон - Баҳрайн 4:3
Голлар: Ал Досари (26 автогол), Тоҳир Адбураззоқов (32, 33), Жамолиддин Шарипов (36) - Ал Досари (3), Ал Абдулла (22), Ал Мугави (35)

Пляж футболи: Ўзбекистон Осиё Ўйинлари 2-турида Баҳрайнни мағлуб этди