Очиғини айтганда, ПРО-Лиганинг “Б” гуруҳидаги ўйинларга мухлисларнинг қизиқиши паст даражада. Айрим жамоаларнинг уй ўйинларига хатто 500та ҳам томошабин кирмаяпти.

Хусусан, 9-турнинг 4та ўйинига жами 4101та томошабин киргани қайд этилди. Бу ҳар бир баҳсга ўртача 1000тадан мухлис кирди демакдир.

Ишқибозлар ташрифи бўйича энг яхши кўрсаткич яна Олтиариқда кузатилди. “Ифтихор” – “Шердор” ўйинига 2600 нафар мухлис ташриф буюрган. Шунга қарамай, мезбонлар баҳсда иродали дуранг қайд этди.

Аксинча ушбу турда энг кам ишқибоз “Локомотив-БФК” – “Зомин” ўйинида қайд этилди. Ҳамон ғалаба нималигини билмай келаётган “темирйўлчилар”нинг уй ўйинларини кўриш учун хатто 200 та мухлис кирмаётганини таъкидлаш лозим. “Зомин”га қарши кечган баҳсда ҳам 179 та томошабин келгани учрашув қайдномасида ёзиб кўрсатилган.

Томошабинлар ташрифи кимда қандай?

“ХОТИРА-79” – “ҒИЖДУВОН” - 1:1 (1:0).
Уйчи шаҳри. “Пахтакор” стадиони. 1007 томошабин.

“ЛОКОМОТИВ-БФК” – “ЗОМИН” - 1:4 (0:2).
Тошкент шаҳри. ТТЙМИ стадиони. 179 томошабин.

“ЛАБСА” – “НУРАФШОН” - 1:0 (1:0).
Ғиждувон шаҳри. “Наврўз” стадиони. 315 томошабин.

“ИФТИХОР” – “ШЕРДОР” - 1:1 (1:1).
Олтиариқ шаҳри. “Марказий” стадион. 2600 томошабин.

ПРО-Лига, “Б” гуруҳи. 9-турда энг кўп мухлис яна Олтиариқда