L’Equipe нашрининг таъкидлашича, ПСЖ мураббийлик масаласини жуда муҳим деб ҳисоблайди. Бундан ташқари, клуб билан шартномасини 2025 йилгача узайтирган ҳужумчи Килиан Мбаппени хурсанд қилиш истаги ҳам бор. Париждагилар Зинедин Зиданни таклиф қилишни хоҳлашади, лекин у билан келишиш жуда қийин.

Жамоа учун янги вариант – Хосеп Гвардиолани 2023 йилда, яъни унинг "Манчестер Сити" билан шартномаси тугагач олиб келиш.

Маурисио Почеттино ПСЖ билан 2022/2023 йилги мавсум охиригача ишлашда давом этиши мумкин. Боз устига, аргентиналик Мбаппе билан яхши тил топишади ва клуб раҳбарияти ҳеч қандай ҳолатда юлдуз ҳужумчи билан муносабатларни бузишни истамайди. Муқобил равишда янги мураббийни атиги бир йилга тайинлаш масаласи кўриб чиқилмоқда.

ПСЖ Гвардиолани таклиф қилиши мумкин