Эслатиб ўтамиз, 2024 йил сентябрь ойида Франция профессионал футбол лигаси (LFP) парижликларни ёзда "Реал"га бепул ўтган ҳужумчига иш ҳақи ва бонуслар бўйича қарзни тўлашга мажбур қилган эди. Кейинроқ Мбаппе тўловлар амалга оширилмагани сабабли LFPнинг интизом қўмитасига мурожаат қилди, бироқ бу мурожаат рад этилди, чунки клуб LFPга қарши Парижда судга мурожаат қилган.

Апрелда Париж суди қарорига кўра, ПСЖнинг ҳисоб рақамларида Мбаппе олдидаги 55 миллион евро қарз суммаси ҳибсга олинган эди.

RMC Sport хабарига кўра, душанба куни ПСЖ судга клуб ҳисоб рақамларидаги пулларнинг ҳибсга олинишини бекор қилиш талаби билан даъво аризаси топширган. Суд жараёнида клуб адвокатлари Мбаппе клубнинг унга қарздорлигига исботловчи далиллар келтирмаганини билдирган.

Шунингдек, клуб томони судда Мбаппенинг ўзи клубга 98 миллион евро қарздор эканини иддао қилди. ПСЖда ҳужумчининг қарздорлиги унинг клубга зарар етказган "вақтни чўзиш" тактикаси натижасида юзага келган деб ҳисоблайди.

"Мақсад 98 миллион евро олиш эмас, балки шуни кўрсатиш: агар у биздан қарздор бўлса, унинг талаби асоссиз", – деди ПСЖ адвокати Рено Семерджян.

Тергов 26 май куни давом этиши кутилмоқда.

ПСЖдагиларнинг фикрича, Килиан клубдан 98 млн евро қарздор экан