"Кеча Ўзбекистонга етиб келдик. Эртанги баҳс анча қизиқарли ва шиддатли бўлиб ўтади. Сабаби Ўзбекистон кучли терма жамоа сафида кўплаб маҳоратли футболчилар бор. Бундан ташқари Ўзбекистонда яқинда янги бош мураббий иш бошлади. Эртанги ўйинда яхши натижа кўрсатишга уринамиз. Биз Осиё Кубогига тайёргарликни ижобий кайфиятда давом эттирмоқчимиз", - дейди Феликс Санчес Бас.

"Биз бу ўйинга яхши тайёргарлик кўрдик. Жуда кучли ўйин бўлиши аниқ. Умид қиламизки биз ўйлаган мақсадимизга етамиз", - дейди Муҳаммад Ал Бакри.

Шаҳбоз Беғамов (www.championat.asia) саволи
- Қатар терма жамоаси Осиёдаги жуда қувноқ ва ҳужумкор ўйин намойиш этади. Лекин жамоа ўйинида тартиб йўқ, айниқса ҳимояланишда муаммолари бор. Сиз буни қандай ҳал қилмоқчисиз?
- Биз доим ҳимояда ҳам, ҳужумда ҳам балансни ушлашга ҳаракат қиламиз. Ҳимоямизда жуда катта муаммолар бор деб айтмаган бўлардим. Кичик муаммоларимиз бор, Осиё Кубогига қадар буларнинг устида албатта ишлаймиз.

Нарзулла Сайдуллаев (www.championat.asia) саволи
- "Ал Садд"нинг тўрт футболчиси Акрам Афиф, Буалем Хухи, Абдулкарим Ҳассан ва Педро Мигель ўз клубига қўйиб юборилгани ҳақида хабар чиқди.
- Тўғрисини тан олиш керак ўз клубига қўйиб юборилган тўрт футболчи жуда ҳам муҳим ўйинчилар. Улар жуда кўп ўйинларда ўйнашди, Эквадор билан баҳсда ҳам майдонга тушишди. "Ал Садд" олдида ОЧЛ ярим финал жавоб баҳси борлиги учун уларни қўйиб юбордик. Терма жамоада уларнинг ўрнини боса оладиган футболчилар мавжуд. Эртага мана шу ўйинчиларга имконият берамиз.

Шаҳбоз Беғамов (www.championat.asia) саволи
- Сизнинг терма жамоа билан тузган шартномангиз қанча муддатга тузилган? Осиё Кубогидаги натижа шартномага таъсир қилмайдими, яъни ҳар қандай ҳолатда ҳам 2022 йилги Жаҳон чемпионатида бош мураббий бўлиб ишлайсизми?
- Ҳозир бу ерда шартномам ҳақида гапиришни истамаган бўлардим. Шартномам борасида барчаси жойида. Ҳозир бизни ўйлантираётган ягона нарса бу эртанги баҳс. Фикру-хаёлим Ўзбекистон билан ўйинга қаратилган.

Бахтиёр Ширинов (АГМК матбуот хизмати) саволи
Муҳаммад Ал Бакри: - Қатар терма жамоаси сафида доим кучли футболчилар бор бўлган. Лекин яқин орада катта натижа кўрсата олмаган. Бунга нима сабаб?
- Бугунги кунда Қатар терма жамоасида авлодлар алмашинуви амалга оширилмоқда. Яқин йилларда терма жамоамиз анчайин кучли бўлади, бунга шубҳа йўқ.

Қатар бош мураббийи: "Фикру-хаёлим Ўзбекистон билан ўйинга қаратилган"