Унда шаҳар ҳокими, клуб президенти ва ОАВ вакиллари иштирок этди.

Тадбир аввалидада клуб президенти Ҳабибулла Самигов сўзга чиқиб жамоа футболчиларига омад тилади.

Мухлислар номидан Маҳмуджон Ҳошимов сўзга чиқиб жамоадан бу йил умиди катта эканлигини билдириб ўтди. Шаҳар ҳокими Акрамжон Абдуллаев "Қўқон-1912" жамоаси олдига бу йил камида 8-ўринни эгаллашни вазифа қилиб белгилади.

"Қўқон-1912"нинг энг катта ютуғи бу - мухлислардир. Бизнинг ишқибозларимиз ўтган йили биринчи лигада ҳам жамоани стадионни тўлдириб қўллаб туришди. Агарда жамоа илк турда ғалаба қозонса мухлислар Қарши ва Самарқандга ҳам боришади", - дейди Акрамжон Абдуллаев.

Клуб вице-президенти - бош директори Бахтиёр Толипов мавсумлар оралиғида олиб борилган селекция ишлари ва мавсумга кўрилган тайёргарлик ҳақида маълумот берди.

Тадбир сўнггида жамоа сафига янги келиб қўшилган футболчиларга рақамлар топширилди.

Унга кўра Рустам Матниёзов 1, Қаҳрамон Муҳаммаджонов 4, Хуршидбек Мухторов 20, Илья Ильин 24, Шохруҳбек Холматов 27, Игорь Голбан 29, Иззат Ғаниев 7, Қувондиқ Рўзиев 10, Сардор Эминов 18, Ориф Мамажонов 22, Алексей Николаев 28, Носирбек Отақўзиев 9, Владимир Аргунга 19-рақам топширилди.

"Қўқон-1912": Янги футболчилар таништирилди ФОТОГАЛЕРЕЯ