Бу ҳақда "Андижон" матбуот хизмати эълон қилди.

"Ёзги селекцияда таркибини кучайтираётган "Андижон" клуби ўз сафини яна бир маҳоратли футболчи билан тўлдирди.

Қирғизистон миллий терма жамоаси дарвозабони Эржан Токотаев расман "Андижон" футболчисига айланди. У билан шартнома имзоланди ва эндиликда «бургутлар» шарафини ҳимоя қилади.

Маълумот учун, Эржан Токотаев 2000 йилнинг 17 июль санасида Қирғизистонда таваллуд топган. Дарвозабон фаолияти давомида "Дордой" (Қирғизистон), "Алга" (Қирғизистон), "Каспий" (Қозоғистон), "Турон" (Қозоғистон) ва "Шанлиурфаспор" (Туркия) да фаолият олиб борган.

Токотаев 2023 йилдан бери Туркия чемпионатида "Шанлиурфаспор"да ўйнаган. Эржан фаолияти мобайнида ҳозиргача 92 та ўйинда иштирок этган. 2021 йилдан бери Қирғизистон миллий терма жамоаси аъзоси ҳисобланади ва ҳозирга қадар бош жамоада 36 та ўйин ўтказган.

Эржан, "Андижон"нинг аҳил оиласига хуш келибсан!", — дейилади андижонликлар хабарида.

Сўнгги мавсумини Туркияда ўтказган дарвозабон "Андижон"га келмоқда

Расман: "Андижон" Токотаевни ўз сафига қўшиб олди