"Турон" клуби расман Ёрқин Назаровни жамоанинг ёнги бош мураббийи этиб тайинлади. Ёрқин Назаров жамоанинг навбатдан ташқари мажлисида бош мураббий сифатида таништирилди. Маълумот учун, Championat.asia сайти 28 июнь куни Ёрқин Назаровнинг "Турон" бош мураббийи сифатида тайинланганини хабар қилганди.

Назаровнинг сўнгги иш жойи Жиззахнинг "Сўғдиёна" клуби бўлганди. Мазкур клуб билан Суперлигада жами 2та дуранг ва 4та мағлубият қайд этди. 2 апрель куни клуб ва мураббий ўртасидаги келишув бекор қилинган эди.

Ёрқин Назаров "Турон" учун 2023 йилдаги учинчи бош мураббий бўлади. Яйпан клуби мавсумни Бахтиёр Ашурматов бошчилигида бошлаган, кейинроқ унинг ўрнини россиялик Денис Бушуев эгаллаганди. Маълумот учун, Суперлиганинг иккита турида "Турон"ни ёрдамчи мураббий Миржалол Жўраев майдонга бошлаб чиқди.

Расман: Ёрқин Назаров "Турон" клуби бош мураббийи этиб тайинланди