Кеча, 26 ноябрь куни ОФКнинг Куала-Лумпурдаги штаб-квартирасида махсус тадбир ўтказилди. Унда ҳакамларни кузатиш маросими бўлиб ўтди. Ушбу тадбирда Равшан Эрматов фаолиятини якунлагани эълон қилинди.

Таниқли футбол мутахассиси Алишер Никимбаев ўз Телеграм каналида Эрматовнинг фаолияти ҳақида пост қолдирди.

"Ҳаммаси 2003 йилда, Равшан Эрматов Финляндиядаги ўсмирлар ўртасидаги ЖЧ ўйинларига тайинланганда бошланди. Ўша мусобақадаги унинг биринчи учрашуви Яман ва Португалия баҳси бўлган. Эрматов бу учрашувда европаликларга пенальтини 3 марта қайта тепдирган, чунки футболчилар муддатидан аввал жарима майдончасига кириб кетаверган. Қоидаларга қатъий амал қилиш Равшанни бошқалардан ажратиб турарди ва бу нарса унинг фаолиятига ижобий таъсир кўрсатган.

Унинг реферилик фаолияти расман якунланди ва энди Эрматовнинг олдида бошқа, янада жиддий вазифалар турибди. Уларнинг энг осони ОФК ҳакамлик қўмитаси вакили сифатида Осиёда ҳакамликни ривожлантириш. ЎФА биринчи вице-президенти олдида Ўзбекистонда футболни ривожлантириш бўйича янада жиддий ва масъулиятлироқ вазифалар мавжуд" - деб ёзди Никимбаев.

Равшан Эрматов ҳакамлик фаолиятини якунлади