Винисиус ёзда Саудия клубидан катта таклиф олган эди. Бразилияликка 5 йиллик битим учун 1 миллиард евро ваъда қилишганди. Агар у шартномага имзо чекса, футбол тарихидаги энг катта маош олувчи футболчига айланар эди.

Маълумотларга кўра, Саудия Арабистони ҳукумати делегацияси футболчини "Ал Ҳилол"га ўтишга кўндириш учун Мадридга ташриф буюрган. Бразилияликка янги лойиҳа тақдим этилди ва 4 йиллик битим ҳамда "футбол тарихидаги энг катта маош" таклиф этилди. Винисиусни лиганинг юзи ва 2034 йил Саудия Арабистонида ўтадиган жаҳон чемпионатининг рамзига айлантиришмоқчи.

Европанинг бир нечта бой клублари ҳам вазиятни кузатмоқда. "Реал" "Мбаппе воқеаси" такрорланишини хоҳламаяпти, бироқ Винисиуснинг "Қироллик клуби" билан шартномаси 2025 йилнинг ёзида якунига етади.

Бразилиялик футболчи ўзини Осиёда синаб кўришга тайёр, аммо бу ишни 2026 йилдан сўнг амалга ошириш ҳақида ўйлаяпти.

"Реал" футболчисига тарихдаги энг катта маошни таклиф қилишди