Сўнгги кунлар "Реал"да Килианнинг ўтиши борасидаги ишонч жуда ўсди, аммо масала ҳали ёпилмаган.

Флорентино Перес Мбаппе билан шартнома имзолаш устида ишлашда давом этмоқда. У янги "галактико" билан шартнома имзолаб реконструкция қилинган "Сантьяго Бернабеу"ни очмоқчи, шунингдек у молиявий муаммолар ва ўйинчиларни ўз сафига ўтишга кўндириш (сўнгги мисол – "Тоттенхэм" учун "Барселона"ни рад этган Лукас Бергвалль) билан боғлиқ қийинчиликларни бошдан кечираётган "Барселона"га "маънан зарба" бермоқчи.

"Реал" кийим алмаштириш хонасида Мбаппенинг ёзда жамоага қўшилишига ишонч ошган. "Ҳаракатлар кўринмоқда. Нимадир рўй бермоқда... Ҳозирча шу", – дея маълум қилди кийим алмаштириш хонасидаги манба. Жамоада Мбаппе ва "Бавария" ҳимоячиси Альфонсо Дэвис ҳақида тез-тез гапирилмоқда.

Қайд этилишича, "Реал" ўтган ёзда Харри Кейн ёки Кай Хаверц билан шартнома имзоламади, сабаби ушбу трансферлар амалга ошган тақдирда 2024 йилнинг ёзида Мбаппенинг ўтишига пул етмасди. Ўшанда Перес, Хосе Анхель Санчес ва Хуни Калафат Килианнинг трансфери учун масалани кейинги суришга қарор қилишган.

Мбаппе жорий мавсум ПСЖ таркибида 28та ўйинда майдонга тушиб, 29та гол ва 7та ассист қайд этди.

"Реал"да Мбаппенинг ўтишига ишонч ортмоқда. Перес "Барса"га "маънан зарба" бермоқчи