"Рома" клуби собиқ футболчиси Роберто Пруццо римликларнинг бугунги "Атлетик" билан ўйинида асосий таркибда марказий ҳужумчи ролида ҳамюртимиз Элдор Шомуродов эмас, украиналик Артем Довбик майдонга тушиши керак дея ҳисобламоқда.
"Довбик ёки Шомуродов? Йўқ-йўқ, "Атлетик" билан украиналик форвард ўйнаши керак. Агарда ўзбек бу сафар ҳам Довбикдан асосий таркибдаги жойни олиб қўйса, бу муаммо бўлади. Мен Шомуродовни ва унинг меҳнатини ҳурмат қиламан, лекин Довбик ҳали ҳам ўз салоҳиятини тўлиқ очиш имкониятига эга", — дея Пруццо сўзларидан иқтибос келтиради "LaRoma24".
Эслатиб ўтамиз, "Рома" ва "Атлетик" ўртасидаги дастлабки баҳсда римликлар 2:1 ҳисобида зафар қучган. Ўша баҳсда Довбик ўйинни асосий таркибда бошлаган, Шомуродов эса 71-дақиқада айнан украиналикнинг ўрнига майдонга тушиб, ғалаба тўпини киритганди.
Изоҳлар